hugmynd.biz

Það eru merkilegir atburðir að eiga sér stað í Bandaríkjunum, þeir vilja greinilega breytingar.  Ég segi það vegna þess að þeir eru að slá met í kosningaraðsókn, það er talið að þriðjungur þjóðarinnar muni nýta atkvæðisrétt sinn og kjósa.  Ég vona að þessar breytingar verði til þess að Obama sigri, ég styð þá breytingu.  Okkur þykir kannski ekki merkilegt að þriðjungur þjóðarinnar skuli kjósa þar sem yfir leitt meira en tveir þriðjungar okkar þjóðar kjósa í öllum kosningum.

Ég hef alltaf sterkar taugar til Bandaríkjanna enda bjó ég þar í eitt ár á síðasta áratug, á þeim tíma var Clinton við völdin.  Ég vandist því að fólk í BNA skiptist í tvær fylkingar varðandi stjórnmálaáhuga, annað hvort hafði fólk ekki hundsvit né áhuga á því en hins vegar mjög mikin áhuga og voru þeir sömu mjög áhugasamir um mig og mitt þjóðerni.  Ég verð að segja að mér er alltaf illa við það þegar fólk talar illa um fólkið í BNA vegna þess að ég hef aðra sýn á það en aðrir, enda bjó ég þarna.  Það er vissulega til mikið af sauðum þar, ég dreg ekkert undan því, en ég hef séð marga sauðina hérna á Íslandi líka.  Hvaða sauðir voru það sem komu þjóðinni á kollinn....?!?