Blogg
...endilega láttu heyra í þér
26.11.2008
Góður í kreppunni
Ég á engar skuldir né eignir. Ég er í skóla og vinn um helgar, frúin er í skóla og vinnur 80% vinnu. Með sparnaðaraðgerðum hef ég lækkað heimilisrekstur minn um rúman 100þús kall á mánuði. Fyrir vikið er ég að reka heimilið á nauðsynjum og leyfi mér lítið (nema kannski annað slagið farið í sjoppuna eða eitthvað álíka).
Það sem ætti í raun að hafa bein áhrif á mig er hækkað vöruverð í Bónus, jú það hefur vissulega áhrif en eitt hefur þó vegið upp á móti því, alla vega að einhverju leyti. Ríkisstjórnin breytti barnabótalögum þannig að þær greiðist út mánaðarlega og tóku út alla skerðingarþætti þannig að það þýðir slatti af þúsund-köllum í viðbót inn á heimilisreksturinn minn :)
Með þessu get ég sagt að "kreppan" hefur lítil áhrif á mig. Ég vona bara að ríkisstjórnin breyti meiru varðandi opinbera þættia svo það vegi enn betur á móti hækkandi vöruverði.
Ég vildi óska að fleiri væru í mínum sporum en eftir að hafa unnið í banka veit ég vel að svo er alls ekki.
19.11.2008
Tölvunördabrandari í kreppunni
Maður í loftbelg sá að hann var að missa hæð. Hann tók eftir konu á jörðinni, lækkaði flugið aðeins meira og kallaði til hennar: "Afsakaðu, geturðu hjálpað mér? Ég lofaði að hitta vin minn fyrir klukkutíma, en veit ekki hvar ég er."
Konan svaraði: "Þú ert í loftbelg sem svífur í 10 metra hæð, milli 40. og 41. Norðlægrar breiddargráðu og milli 59. og 60. Vestlægrar lengdargráðu."
"Þú hlýtur að vinna við tölvur", sagði loftbelgsmaðurinn.
"Það geri ég", svaraði konan. "Hvernig vissirðu það?"
"Nú", svaraði maðurinn, "allt sem þú sagðir mér er tæknilega rétt, en ég hef ekki hugmynd um hvaða gagn er af þeim upplýsingum, og reyndar er ég enn villtur. Satt að segja þá hefur ekki verið mikil hjálp frá þér. Ef eitthvað er þá hefurðu helst tafið ferð mína."
Konan svaraði: Þú hlýtur að vinna við stjórnun."
"Já", sagði maðurinn. "En hvernig vissir þú það?"
"Nú", sagði konan, "þú vissir hvorki hvar þú ert né hvert þú ert að fara. Eintómt loft hefur komið þér þangað upp sem þú ert. Þú gafst loforð sem þú hefur ekki hugmynd um hvernig á að efna og þú ætlast til þess að fólk fyrir neðan þig leysi þín vandamál. Reyndar ertu í sömu stöðu og þegar við hittumst, en nú er það einhvern veginn mín sök."
Konan svaraði: "Þú ert í loftbelg sem svífur í 10 metra hæð, milli 40. og 41. Norðlægrar breiddargráðu og milli 59. og 60. Vestlægrar lengdargráðu."
"Þú hlýtur að vinna við tölvur", sagði loftbelgsmaðurinn.
"Það geri ég", svaraði konan. "Hvernig vissirðu það?"
"Nú", svaraði maðurinn, "allt sem þú sagðir mér er tæknilega rétt, en ég hef ekki hugmynd um hvaða gagn er af þeim upplýsingum, og reyndar er ég enn villtur. Satt að segja þá hefur ekki verið mikil hjálp frá þér. Ef eitthvað er þá hefurðu helst tafið ferð mína."
Konan svaraði: Þú hlýtur að vinna við stjórnun."
"Já", sagði maðurinn. "En hvernig vissir þú það?"
"Nú", sagði konan, "þú vissir hvorki hvar þú ert né hvert þú ert að fara. Eintómt loft hefur komið þér þangað upp sem þú ert. Þú gafst loforð sem þú hefur ekki hugmynd um hvernig á að efna og þú ætlast til þess að fólk fyrir neðan þig leysi þín vandamál. Reyndar ertu í sömu stöðu og þegar við hittumst, en nú er það einhvern veginn mín sök."
